Malingaw ko magscan sa akong timeline kay makita nko kalahian sa Pinoy ug Hapon when it comes to beauty pageants. Trending kaayo sa Fb sa Pinoy ang Miss Universe (Ms. U). Halos tanan akong mkita sa timeline puro about Ms. U. Halos tanan nakatutuk gyud. Ma pa-TV, streaming, etc.

Ang uban gani, bisan naa sa trabaho, muundang ky mutan-aw gyud. Ang uban nga tigdugay mangmata nagmilagro ug mata sayo kay mutan aw lagi ug Ms. U.

On the other hand, ang mga Hapon, wa koy nakita o nadungog about aning butanga. Busy sa ila work ug skwela. Bisan sa balita, wa koy nakita nga ginews kinsa nakadaog. Wala bisan isa ka commercial about sa pageant. Kung naa man ug wala lng nko nakita, dili gyud ana ka-big deal sa ila ang beauty pageant. Wa silay paki kung kinsa mga bayhana nangapil ug kung kinsay makoronahan. Dili sila hilig ug pagwapahay ug pa sexy-hay. Ang ilaha – trabaho ug responsibilidad ug realidad.

Dili parehas sa kadaghanan sa mga Pinoy. 🙂

O basi kami ra. Hehe.

Maremeber lng nko sa una dugay na. Bata pa ko. Manan-aw pud gyud mi sa among balay ug mga pageant sama sa Miss Universe, Miss World ug unsa pa ng mga beauty pageant. Bisan gabii na kaayo, pulawan gyud makita lng kinsay makoronahan. Ganahan pud kaayo mi magtan aw sa mga sexy na kandidata nga nka swimsuit ug mga nagkalain-laing gown. Mag-iyahay pud mig pili ug kinsay mudaog. Mura pug judge hehe. Murag tradition na gyud sa mga Pinoy. Nka embed na sa kultura. Mao siguro, ang uban, ginatudluan nag rampa ug modeling (selfie etc) ila mga anak na babae sugod sa gagmay pa. Hehe. Cute tan awon. Bisan sa skul, beauty contest dili mawala. Ms. Nutrition, Lakambini, Ms. United Nation, Queen of Hearts. Bisan gani teacher naay beauty contest. Lol. Dala pa kwartahay. Funding para sa school. Hehe. Sa Purok, sa Barangay, sa Siyudad, tanan naay “Miss”. Kung lokal na lengwahe usahay tawagon ug “Mutya” o “Binibini”.

Ug inig gani dili makadaog ang pambato, ang kasagaran rasun “giluto” lol. Ug kung dili maayo ang tubag, mag-andam nlng ang kandidata ug mga isa ka semana hantud isa ka bulan na pagpanaway sa iyang abilidad. “Bugua pud ui!”
“Ngano kana gipili?”
“Di kabalo mutubag”.
“Paluma-luma!”
“Maypag si kuan nlng tu..”

Ug uban pa hehe..

Bitaw no…unsa may benepisyo nato anang kahilig natu sa pageant?

Maasenso ba gyud ta ana?  O makasamot ka pobre?

Ikaw..unsa sa imo tan-aw?